Isak Chisi Swu a thi

30th June, 2016

National Socialist Council of Nagalim (NSCN)(IM) chairman Isak Chisi Swu chu Thawhlehni khan New Delhi-ah a thi. Isak Chisi hi Fortis Hospital-ah boralin, he hmunah hian July 5, 2015 khan dahluh a ni.

Isak Chisi hi NSCN (IM) dintute zing a mi a ni a, People’s Republic of Nagalim (GPRN) president te pawh a lo ni tawh ṭhin. A hriselna a ṭhat tawk loh avang hian Naga Peace Accord chungchanga August 3, 2015-a Prime Minister Narendra Modi chenna ina sorkar nena inremna an ziah pawh khan a tel thei lo a ni.

Chisi hi Naga National Council (NNC), National Socialist Council of Nagalim (NSCN)-ah te a kul ataia lo inhmang tawh ṭhin a nih bakah, kum 1929-a Zunheboto district-a Chishilimi Naga village din a nih theihna sulsutu pawimawh tak te zing a mi a ni. A thih thleng hian NSCN (IM) leh sorkar te chuan inremna tluantling an nei hman lo a ni.

Isak Chisi Swu bih chianna

4 Chishilimi-a American Mission School-ah a kal ṭhin a, a hnuah Government High School, Kohima-ah chunzawm lehin, St. Anthony’s College, Shillong aṭangin Political Science-ah a graduated a ni.

4 Kum 1950 vel khan underground a zawm a, Naga National Council (NNC)-ah Foreign Secretary hna a thawk ṭhin. Angami Zapu Phizo kaihhruainain kum 1940 chho khan India aṭanga Naga territory din a nih theih nan a campaign ṭhin a, a hlawhtling lo. Naga state a pian theih nan foreign secretary hna thawkin, NNC Vice President te pawh a lo dawr tawh ṭhin.

4 Isak Chishi Swu hi a thi hian kum 75 a ni a, a nupui Khulu a fate paruk a kal san a ni.

4 Naga National Council (NNC) leh India sorkar ten Shillong Accord-a inremna an ziah chu dodalin, Thuingaleng Muivah leh S.S. Khaplang te nen National Socialist Council of Nagaland (NSCN) chu 31 January 1980 khan an din a, a hnuah he pawl hi S S Khaplang kaihhruai NSCN-K leh NSCN-IM-ah te a keh darh a, NSCN-IM hi Isak Chishi Swu leh Thuingaleng Muivah te hian an kaihhruai zui.

4 31st January, 1980 khan NSCN hi din a ni a, a thih thleng hian chairman a ni.

Vui dan tur

4 National Socialist Council of Nagalim (NSCN)(IM) chairman Isak Chisi Swu ruang hi vawin hian DMP airport thlenpui beisei a ni.

4 Naga mipui amah uituten an lo hmuak dawn a, Naga Hoho ten zahna an lantir ang.

4 State sorkar chuan July 1-ah amah thlahna Hebron-ah a buatsaih dawn.

4 A ruang hi Agri-Expo Dimapur-ah dah a ni ang.

4 July 3-ah a chhenna Zunebohto district Chishilimi panpui a ni ang.

4 July 4 khian ama puala hun hnuhnung buatsaih a ni anga, NSCN)(IM chairman Isak Chisi Swu chu ropui taka vuai liam a ni ang.