Meghalaya : Sorkarin SSA non-teaching staff te hlawh 25% in tipung

Meghalaya sorkar chuan Samagra Shiksha Abhiyan (SSA) hnuaia non-teaching staff 1200 te hlawh 25% a tih punna tur a pawm.

Meghalaya education department hnuaia special officer chuan hlawh tipung tura sorkar thutlukna hi State Project Director of Samagra Shiksha (SEMAM) leh Director of School Education & Literacy te chu a hrilh hre tawh a ni. Hlawh pung hian SSA hnuaia state, district leh block level-a thawktute bakah Management Information System (MIS) mi leh sate, District Education Officers (DEOs) leh accountant-te a nghawng dawn a ni.

SSA hnuaia thawktute pawl din, All Meghalaya SSA Non-Teaching Staffs Association (AMSSANTSA) chuan state sorkar chu hlawh sang phutin an nawr mek a, Meghalaya sorkar chun an thil ngiatte ngai pawimawhin SSA non-teaching staff te hlawh hi 25% in a tisang ta a ni.