Nau piang hlimte Aadhaar siamsak nghal an ni ang : Assam CM

Assam chief minister Himanta Biswa Sarma chuan state sorkarin nau piang hlimte, birth certificate pek ruala Aadhaar card pek nghal theihna turin pilot project kalpui a tum tih a sawi. He project hi state chhunga medical college 13-ah hman a ni ang.

Chief Minister chuan, 'Nau piang hlimte tana Aadhaar card pek chhuahna tur hi medical college tinah hian centre siam a ni dawn a ni," a ti. District hospital tinah project hi kalpui chhunzawm zel tum a ni bawk tih sawiin, nausente tana birth certificate leh Aadhaar card chu a hnua buaipui buai ngai loa tihfel sak nghal zel tum a ni, a ti.

CM Sarma chuan Mukhya Mantri Atma Nirbhar Asom atana district-wise inverview kalpui a ni dawn tih sawi bawkin, a thawh khatna chu August 16-ah ṭanin, September 5-ah zawhfel tum a ni tih a sawi. A thawh khatnaah hian ṭhalai 30,000 ten Rs nuai hnih ṭheuh dawngin, a thawh hnihnaah hian ṭhalai 70,000 in fund hi an dawng dawn bawk niin a sawi.