Arunachal : Ramria buaina zir chiang tur regional committee din

Arunachal Pradesh sorkar chuan Assam nena an ramri buai zir chianga hma la turin regional committee paruk a din. Committee din a nih thu hi Arunachal Home and Inter-State Border Affairs Department chuan a tarlang.

Committee-te hian Assam nen ramri buai an neih ching fel tura hma an lak dawn bakah inremna siam a nih theih nana dan zam turte an duang dawn a ni. Heng regional committee paruk hi Arunachal a district paruk- Pakke Kessang, Papum Pare, Kamle, Lower Siang, Lower Dibang Valley leh Longding district-ahte din an ni a, heng district-te hi Assam nena ramria buai chin fel a la nih lohna hmunte an ni.

Assam leh Arunachal hi ram inchuhna vangin an inkarah buaina a chhuak ṭhin a, ramri hrula chengte chuan ramri kham dan sawiselin an awmna lam a dik lo tih an sawi ṭhin. Heng a nih vang hian ramri chungchanga buaina ching fela zir chian ngaite zir chiang tur hian committee hi din a ni a, tharum nen ni loin inbiakna hmanga an buaina chin fel dan an zawng dawn a ni.