Hmarchhak hian mau hmanga thil siam chhuak turin theihna a nei : Scindia

Union minister Jyotiraditya M. Scindia chuan North East Cane and Bamboo Development Council (NECBDC) a tlawh ṭumin hmarchhak chuan mau hmanga thil siam chhuak turin theihna a nei ṭha tih a sawi.

Scindia hian sum hai luh kawnga hmarchhak a ṭhan theih nan bamboo industry chu a pawimawh tih sawiin, prime minister Narendra Modi hmathlir, India ram ngeia thil siam chhuah leh mahni thil siam hmanga ramchhung intodelh tir a tumna chu mau hmanga thil tam zawk siam chhuah nen a inzul hle niin a sawi. Ministry of Development of North Eastern Region (MDoNER) pawhin mau hmanga thil siam chhuah a ṭhat theih nan helam hawia investment a tam theih nan hma an la bawk a ni.

Jyotiraditya M. Scindia hian Shillong-a hmeichhe zinga lo neih hmanga eizawngte nen inhmuin, an hnathawh chu lo neih kawnga hmasawn nan a ṭangkai bakah khawtlang nun chawikangtu pawimawh tak an nih thu a sawi. North Eastern Region Agriculture Commercialization and Enterprise (NERACE) chuan heng loneituten khawvel hmun danga an thlai tharte an thawn chhuah theih nan hma an la thei niin a sawi a, chumi a hlawhtling thei a nih chuan India ram thlai thar thawn chhuah pawh a pung dawn niin a sawi bawk.