Assam CM hlui Tarun Gogoi dinhmun ṭha lo

Assam chief minister hlui, Congress hruaitu Tarun Gogoi chu Covid-19 a kai avangin enkawl mek a ni a, Thawhṭanni zan aṭang khan a dinhmun a ṭha lo hle a, plasma therapy hmanga enkawl a ni. 

Health minister Himanta Biswa Sarma chuan Guwahati-a Gauhati Medical College and Hospital (GMCH) a enkawl mek, Tarun Gogoi hi Thawhṭanni zan khan a oxygen level tlahniam thutin, dcotor-te chuan plasma unit khat an pek nghal thu a sawi. 

Kum 85 mi, Gogoi hi August 25 khan Covid-19 a kai tih hriat a ni a, Pathianni khan GMCH-ah dah luh a ni. State sorkar chuan Gogoi  hriselna dinhmun thlithlai tur hian GMCH-a Pulmonary Medicine Department hotu Dr Jogesh Sarma kaihhruaiin doctor pakua awmna team a din nghal a ni. 

Thawhṭanni zing khan Gogoi chuan a twitter-ah ṭhat lam a pan zel thu leh, Health minister-in damdawi-in a tlawh avanga a lawmthu a sawi. Mahse Thawhṭanni zan khan a dinhmun hian ṭhat loh lam a pan leh a ni.