Sept 23 hmain Tripura assembly session neih tum

Tripura Legislative Assembly session chu social distancing dan zawmin assembly building-ah September 23 hmain neih tum a ni tih speaker Reabti Mohan Das chuan a sawi.

Das chuan Thawhlehni khan law and parliamentary affairs minister Ratan Lal Nath nen state legislative building-ah session hi neih theih a ni dawn em tihte pawh an enfiah tih a sawi a ni. 

Tripura Legislative Assembly-ah hian member 60 an awm a, building-ah hian ṭhutna 100 a awm a ni. A hmain hripui leng vanga social distancing zawm a ngaih avangin, pawn lamah neih dan turte ngaihtuahin, Heritage Park gallery-te pawh an lo endik tawh a ni. 

Mahse speaker chuan buil­ding-ah ṭhutna tur a awm tam tawk avangin, member-te pawh inhlata awm chungin session hi a neih theih dawn nia an ngaih thu a sawi. 

March thla khan hripui leng avangin ni nga awh tur budget session chu ni hnihah kaihtawi a lo ni tawh a, budget pass a nih veleh session hi tihtawp nghal a ni.