Meghalaya-ah shopping mall puitling siam dawn : Deputy CM

Meghalaya sorkar chuan an state-ah shopping mall puitling siam thuai a tum tih a sawi. 

Deputy chief minister Prestone Tynsong chuan shopping mall siam tum a nih thu hi sawiin, Meghalaya Urban Development Agency (MUDA) chu shopping mall a nih loh thu a sawi. Standard mall-ah chuan hmun awl zau nuam tak, mipuite chawlh hahdamna tur te a awm tel tur a ni tiin, state sorkar chuan naupangte intihhlimna hmun turte pawh siam tel a tum tih a sawi. 

Shopping mall hi Barik Point-ah siam a nih dawn leh dawn loh chungchang ngaihtuahin cabinet meeting pawh neih thuai a ni ang, a ti. Hei bakah hian Lady Hydari Park pawh green park-ah siam a ni dawn tih a sawi bawk.