Assam tuilianin thlai Rs vbc 1,000 hu a tichhia

Assam sorkar chuan kumin chhunga an state-a tuilianin thla chin cheng vaibelchhe 1,000 hu vel a tichhia tih sawiin, thlai chinna ram hectare nuai 2.8 a zau chu tui lian hian a chim a ni. 

Assembly session neih meka AGP MLA Pabindra Deka zawhna a chhannaah agriculture minister Atul Bora chuan hei hi sawiin, April thla aṭang khan tuilianin an state-a thlai chin tam tak a tichhiat thu a sawi. 

Bora chuan tuilianin thil a tihchhiat hi disaster management body chuan a chhut mek a, a zat chiah la hriatchian theih ni lo mah se cheng vaibelchhe 1,000 hu vel niin an ngaihthu a sawi. 

Tuilian tuar loneitute harsatna tawh chhawmdawlna tur rawtna pawh sorkarah thehluh a nih tawh tih a sawi a, hemi rual hian loneitutete loan ngaihdam chungchangah erawh sorkarin thutlukna a la siam loh thu a sawi bawk.