Manipur-in Myanmar nena insumdawnna hawng dawn

Manipur chief secretary Rajesh Kumar-a'n kaihhruaina thar a tihchhuahah, Myanmar nena insumdawn tawnna, border trade chu hawn a ni tawh dawn tih a sawi. 

Chief secretary chuan hripui leng vanga hun rei tak border trade khar a nih avangin mi tam tak eizawnna a nghawng a, rethei takin an awm phah niin a sawi. Hei vang hian state sorkar chuan Standard Operating Protocol (SOP) a siamte zawm chungin, Indo-Myanmar broder kaltlanga bungrua lakluhte a phalsak tawh dawn a ni, a ti.

Sorkarin kaihhruaina thar a tihchhuahah hian state chhungah essential items zawrhna dawrte chu zing dar 7 aṭang tlai dar 5 thleng hawn phalsak an ni a; financial institute, private bank-te pawh staff 66% chin kal sak phal an ni bawk. Shopping mall, barbershop, beauty salon leh gym-te pawh mi tam tak awmkhawm loa hawn phalsak niin, sport, social, academic, religious leh political funcation-ahte mi 100 awm phal a ni bawk.