Meghalaya : Kum 2028 ral hmain khaw tinah eng neihtir tum

Meghalaya power minister AT Mondal chuan state chhunga thingtlang khua zawng zawngah kum 2028 ral hmain eng pekluh hman sorkarin a tum tih a sawi.

Meghalaya chhung khaw ṭhenkhatin eng an neih mumal loh avangin Congress MLA Charles Marngar chuan minister hi state chhung power dinhmun a zawt a, zawhna a chhannaah hian Mondal chuan kum 2028 hmain state chhunga khaw awm zawng zawngah eng pek luh an tum thu hi a sawi a ni. Power minister chuan thuthar thehdarhtute nen an inkawmnaah department hnuaia thawktute chuan eng la luh lohna hmuna eng pe lut turin theihtawp an chhuah tih a sawi.

Mondal chuan khaw ṭhenkhatah electric la lut lo mah se eng luh lohna anga chhinchhiah nive lo a awm nual tih a sawi. Uluk taka survey kalpui a ni chungin khaw thar leh khaw zauh belh a awm zel avangin eng luh lohna anga chhinchhiah ni lo khua an ni tih a tarlang. Eng awm mumal loh vanga harsatna chu ching fel turin hma an la mek tih Minister chuan a sawi bawk.