Manipur sorkarin Sero surveillance programme buatsaih

Manipur sorkar chuan No­vember 7-a by-election neihna, Wangoi assembly consti­tuency-ah Covid-19 hri kai an pun chhoh leh avangin Nilaini aṭang khan ni thum awh sero-surveillance programme a buatsaih. 

Sero surveillance hnuaiah hian antibodies level teh a ni a, mipuiteah eng angin nge hri a darh tih hriatna atan hman a ni. Nilaini khan mi 533 chu test an ni a, an zinga 95 in coronavirus an kai tih hriat a ni. Ningani khan sample 3,185 test zingah 38 an positive tih hriat a ni bawk. 

Manipur-ah hian Covid-19 kai hmuh chhuah tawh hi mi  22,548 an awm tawh a, hri kai zinga 19,630 chu enkawl dam ni tawhin, mi 231 in an thihpui tawh a ni. 



Share this Post

Login to comment
No Comments