James Bond-a chang turah mipui duh dan a lal lo

Daniel Craig chuan James Bond film a chang tawh dawn lo tih a sawi chiang a, amah thlaktu turah mi hrang hrang sawi a ni. Mi ṭhenkhat chuan signature campaign neiin, an mi duhzawng chu James Bond-a a chan theih nan hma an la a ni. Hetiang vel boruak a awm lai hian director Sam Mendes chuan James Bond film-a chang tur hi vote hmanga zawn chi a ni lo tih a sawi.

James Bond lema chang tura miin an duh langsar zingah Idris Elba, Tom Hiddleston leh Damian Lewis te an lang a ni. Mahse Sam Mendes chuan James Bond-a chang tur thlan hi EU Referendum ang te, X Factor ang te a ni lo a, mipui vote hmanga thlan chi a ni lo tih a sawi. Sam Mendes hian Skyfall leh Spectre te kha a direct a ni.

Mendes chuan James Bond film producer Barbara Broccoli chu mipui nawrna lamah a kal mai mai dawn lo tih a sawi. Daniel Craig-a hian theihna a nei a ni tih Barbara hian a hmu niin, Mendes chuan sawiin, mipui duh dan lamah Daniel Craig hi a sang lo khawp mai a, mahse a hlawh≠tling tih a sawi bawk. "Daniel Craig hi mipui duh dan aṭanga lak chu nise a chang lo tawp ang. Barbara chuan 'Saw tilaia mi sawn engkim a thlak danglam thei ang,' tiin a thlang a ni," a ti. James Bond chang tur thlanah pawh Barabara chu thunei ber a ni leh dawn niin a sawi bawk.