Assam-a Covid-19 leng leh tuilian vanga hun rei tak khar tawh, Kaziranga National Park (KNP) chu October 21 aṭangin hawn a ni tawh dawn. 

Chief minister Sarbananda Sonowal chuan UNESCO World Heritage Site hawnna hun buatsaih hi a hmanpui dawn a,  a hawn ni hian  Kohora leh Bagori Range-ah jeep safari neih nghal a ni ang. 

KNP director P Shivkumar chuan KNP hawn hma hian mipui tlawh theih tura hawn a nih hunah sorkar laipuiin hri laka invenna tura kaihhruaina a siamte ṭha taka zawm a nih tur thu a lo sawi tawh a ni. 

Jeep safari leh elephant ride-ah pawh a capacity aṭanga 50% chauh phal a ni dawn a, a tlawhtute chuan face mask an vuah ngei tur a ni a, KNF staff leh thawktu dangte chuan face shield an hman vek a ngai dawn bawk. 

Shivkumar chuan  National Tiger Conservation Authority chuan ram chhunga national park hrang hranga inkaihhruaina tur a siamte pawh a tichhuak tawh a ni, a ti. Face mask vuah bakah social distancing pawh zawm vek tura tih a ni a, motor-te pawh kah thianghlim fo tur a ni. 

Share this Post