Media mite beih/ vau duh lohna lantirin Tripura journalist-ten nawrh huaihawt

Tripura chief minister Biplab Kumar Deb-an media mite a vau leh, a thusawi hnua media miten beih an tawh avanga lungawi loin, Ningani khan Tripura-a journalist-te chuan Agartala-ah sit-in protest an huaihawt. 

Sit-in protest hi Tripura Assembly of Journalists (TAJ) huaihawt niin, media house hrang hranga journalist-te chuan badge dum vuahin darkar hnih chhung lungawi lohna hi an lantir a ni. 

CM Deb chu media mite a sawiselna leh vauna thu a sawi tawh chu sut turin an phut a; Prime Minister, Home Minister, Information and Broadcasting Minister, Press Council of India leh rights body hrang hrang hnenah pawh an lungawi lohna thu kimchang taka thlen an tum tih an sawi a ni.



Share this Post

Login to comment
No Comments