Churachandpur district-a private school-ten tuition fee la dawn lo

Manipur-a Churachandpur district huam chhunga private school-te chuan Covid-19 leng vanga zirna in khar a nih chhung, April-September tuition fee an la dawn lo tih an sawi.

 Kuki Students’ Organisation (KSO), Mizo Zirlai Pawl (MZP), Siamsin Pawlpi (SSPP), All Manipur Students’ Union (AMSU) leh All Manipur Students Guardians Organisation (AMSGO)-te nen an inbiak hnuah, private school neitute hian zirlaite hnen aṭanga tuition fee lak loh hi an rel a ni. 

Hemi hma hian state education department chuan private leh aided school-te chu April thla aṭangin tuition fee 30% la turin a ti a, hei hi zirlai pawl hrang hrangte chuan an duh lo a, school khar chhung chu zirlaite fee hi laksak lo turin an phut a ni.



Share this Post

Login to comment
No Comments