Manipur CM-in Lokayukta building sakna tur lungphum phum

Manipur chief minister N Biren Singh chuan Thawhṭanni khan Imphal-a Chief Minister Secretariat aṭangin video conference kaltlangin Lamphelpat-a Lokayukta building sakna tur lungphum a phum. 

CM chuan Lokayukta chu langtlang sorkar, eirukna laka fimhlim siamna tur a ni tih sawiin, sorkar hnathawk zingah thil dik tawk lo tite chhui chian an ni ṭhin dawn a ni, a ti. Lokayukta hi kum 2018, April thla khan din a nih thu a sawi bawk. 

Singh chuan eirukna laka fihlim sorkar siam turin kawng hrang hrangin hma an la zel tih a sawi a, e-office te siamin, mipuiten an harsatna tawhte hmaichhana Chief Minister an sawipui theihna tur hun, Meeyamgi numit pawh siam a ni, a ti. 



Share this Post

Login to comment
No Comments