Meghalaya minister-in central sum tihchingpen dan chhui chian duh

Meghalaya health minister leh BJP MLA Alexander Laloo Hek chuan Autonomous District Councils (ADC) pahnih, Jaintial Hills  Autonomous District Council (JHADC) leh Garo Hills Autonomous District Councils (GHADC)-a central fund tihchingpen nia sawi chu chhui chiang turin state sorkar a ngen dawn tih a sawi. 

Hek chuan, "BJP MLA ka nih angin, ADC pahniha sum tihchingpen nia party-in a sawi hi chhui chian a nih theihna turin ka bawhzui dawn a ni. He thil hi  ngaihzam mai chi a ni lo a, chhui chiang ngei a ngai a ni," a ti. 

Chief minister Conrad Sangma hnenah BJP in JHADC leh GHADC-a eirukna thleng chungchang a hmuh chhuah chu ziakin a thlen dawn a, ngaihven zui tura a ngen tur thu Hek chuan a sawi. Hemi rual hian BJP-in Meghalaya-a NPP kaihhruai MDA sorkar thlawpna a hnuhdawk dawn nia sawi chungchangah party hotute chuan thutlukna an la siam lo tih a sawi bawk. 



Share this Post

Login to comment
No Comments