Lotha Hoho leh Rengma Hoho ten Hnathawh chhunzawm phut

Lotha Hoho (LH), Wokha leh Rengma Hoho (RH) te chuan Natiaonal Highway No 2 zauh hna thawk mektu Nagaland State Public Works Department chu ni 15 chhunga ngeia thawk ṭan turin an hriattir.

LH leh RH ten thu-chhuah inṭawm an siam-ah chuan PWD hian kawng-zauh leh siamṭhat hna hi an thawk muang hle tih sawiin, department hian a ngaihthah a ni an ti. He mi chungchangah hian chief engineer hnenah memorandam an thehlut tawh a, engineer chuan Su-preme Court aṭanga thupek an dawn avangin hnathawh chunzawm theih a nih loh thuin a chhang a ni.

Hetih lai hian Lotha Hoho (LH), Wokha leh Rengma Hoho (RH) te chuan Court hian hna hi chhunzawm leh a remti tawh niin an sawi a, State PWD chu he hna chhunzawm thuai tur hian an ngen thu a sawi. LH leh RH te chuan harsatna lian zawk a thlen lawh nan State PWD chu National Highway siam ṭhat hna chhunzawm leh thui turin ngen tih an tarlang.