AP-a hri kai thar 103 zingah sipai 44 awm

Arunachal Pradesh-ah Ningani khan Covid-19 kai hmuh chhuah thar mi 103 awm lehin, an zinga 44 chu security force mi leh sa a ni. Anni nen state chhunga hri kai hmuh tawh hi mi 2,430 an tling tawh a ni. 

State surveillance officer Dr L Jampa chuan hri kai hmuh thar zingah pakhat tih loh chuan taksa lama harsatna nei lo, asymp­tomatic vek an ni tih a sawi. 

August 1 aṭang khan  hri kai hmuh chhuah hi 948 an awm tawh a, an zingah hian armed force mi leh sa 427 an tel a ni. 

Hri kai hmuh chhuah tawh zinga 1,659 chu an dam tawh a, mi pathumin thihpuiin, 768 enkawl mek an la awm. Health department chuan sample 1,15,758 an test tawh tih an sawi. 



Share this Post

Login to comment
No Comments