PSG tan nghah a la ngai

Paris Saint Germain chuan Ligue 1 nomawi chawi theihna remchang an bawhpelh a, anmahni khelmual ngeia champion lawm tum mah se Le Havre nen 3-3 a an inhnehtawk avangin an la champion rih lo.

Paris khawpuia inkhelah hian PSG an mualpho teuh hle - mikhual lamin Christopher Operi, Andre Ayew lehb Addoulaye Toure te hmangin goal an khung a, a tir lama Bradley Barcola goal khungin PSG a chhandam thei lo a ni.

Hun tawp dawn lamah Archarf Hakimi leh Gancola Ramos te hmangin sin phurh an sut zo hram, a zawna season thum chhung Ligue 1 champion ni tur chuan May 12 zana Toulouse nen an inkhelh hun an nghah leh ri a ngai dawn.

Chumi hmain Luis Enrique naute hian Champions League semifinal an khel phawt dawn - Borussia Dortmund an lenchilh dawn a ni.