Manipur-ah hri vangin ni khatah mi pathum thi Complete lockdown August 6 thleng pawtsei

Manipur-ah Ningani khan Covid-19 vangin mi pathum an thih belh leh a, an state-ah he hripui vanga thi hi mi pali an awm tawh. 

Ningani khan hri kai hmuh chhuah thar mi 47 awmin, anni nen hian hri kai hmuh tawh hi mi 2,505 an tling tawh a ni. Hri kai zinga 1,672 chu enkawl dam an ni tawh thung a, recovery rate hi 66.90% a ni. 

Hri kai an la pun belh zel avangin state sorkar chuan hri darh tur venna atana state puma complete lockdown a puan chu August 6 thleng atan a pawtsei. 

Hri kai hmuh chhuah thar zingah state pawn lama zin chhuahna nei lote an tel ṭhin avangin, mipuia hri darh tur venna atan sorkar chuan July 23 aṭang khan complete lockdown hi July thla chhung atan a lo puang tawh a ni. 

Chief secretary, Dr J Suresh Babu chuan state chhung dinhmunte an thlir hnuah, lockdown pawhsei hi an rel tih a sawi. 



Share this Post

Login to comment
No Comments