JCILPS ten meeting an nei

Langjing Achouba Commu-nity Hall, Imphal West-ah Joint Committee on Inner Line Permit System (JCILPS) te chuan meeting an nei a, State Assem-bly-in a pass tak Anti-tribal bill chungchang an ngaihtuah.

JCILPS chuan an state sorkar chu inremna an lo siam tawh angin Manipur Population Commission din thuai turin an ngen. Manipur Land Reform Commission hnuaiah AMSU, AMSCOC, AMSU leh JCILPS te nen ṭangkawpin an state chhunga ram leilung fa ni lo chhiarpui kalpui ni rawh se tih te chu an thurel langsar a ni.

JCILPS te hian an hmalakna tur hrang hrang te an sawiho bawk a, chung zingah chuan poster campaign neih te, ram leilung fate hamṭhatna leh an dikna chanvo humhim tura hmalak te, ram pawn mi chhiarpui neih te, district level leaders’ meet huaihawt te, public meeting buatsaih bakah, rally neih te a tel a ni. ILP dodalna kawngzawh a nih ṭuma thi tate hriatrengna memorial complex siam te chu a tel bawk. Manipur-ah hian Anti-tribal Bill pass a nih avangin hun rei tak ata an buai tawh a, an buaina hian ziaawm lam a pan thei meuh rih lo. Sorkar laipui pawhin hun rei tak chhung ngawih chuh mah se boruak a san chhoh zel avangin tunhnai khan he mi chhungchangah hian thuchhuah siamin hmalak dan tur a ngaihtuah mek a ni.