India hmeichhe zinga Olympic-a tel hmasa ber tur Tripura nula

Kum 1993-a piang Tripura nula Dipa Karmakar chu India hmeichhe zinga gymnastic bikah Olymbic-a tel hmasa ber tur a ni dawn ta. Dipa hi 2014 Commonwealth Games, Glasgow-a neihah khan a lo tel tawh a, India hmeichhe zinga tel hmasa ber a lo ni tawh bawk. Asian Gymnastics Championships leh 2015 World Artistic Gymnastics Championships-ah te bronze medal a lo la tawh a ni.

Dipa Karmakar hian Pathian-ni khan Brazil khawpui-a neih tur Olympics games-a tel tur hian fiahna a paltlang a ni. Point 52.698 score-in August thlaa neih tur infiamna khawmpui lianah hian India ai a awh dawn a ni. International Gymnastics Federation (FIG) chuan Rio 2016 Olympic Games-a tel thei tur hming hi a tar chhuak tawh nghe nghe.