Harsh Vardhan-an sial Farm a tlawh

Union Minister for Science & Technology and Earth Science, Dr. Harsh Vardhan chuan tunhnai khan Nagaland a tlawh a, sial farm chu a hmunah kalin a en.

Union Minister chuan Sial chu Naga mipuite tan symbol a ni satliah ngawt lo tih sawiin, inpumkhatna lantirtu a ni a ti. Nagaland-ah hian sial vulha eizawng chhungkaw tam tak an awm a, an state-ah hmun pawimawh tak a chang a ni. ICAR-National Research Centre-a ‘Mithun Farm’ chu Dr. Harsh Vardhan hian tlawhin, Sial chu a vawi khat hmuhna a nih thu a sawi. Hemi hnu hian DBT sum hmanga siam ‘Biotech Infrastructure Facility’ ICAR-NRC-a mi chu a hawng nghal a ni. Biotech Infrastructure Facility hawnna hunah hian Vardhan chuan thu sawiin, Mithun Farm a tlawh chungchang a sawi lang leh a ni.