Assam Maternal Mortality Rate a sang

National Institution for Transforming India Aayog (NITI Aayog) chhinchhiah danin Assam maternal mortality rate chu India state zingah a sang fal hle a, National average aiin a sang hial a ni. Sorkar laipui chuan Ayush Ministry hmalaknain maternal leh infant mortality rate tihniam tur hian hma a la ve reng a ni.

Maternal mortality rate san chhan hi National Health Mission scheme vang niin tarlan a ni a, kum hmasa lam ai chuan a hniam thung. Tea garden area huam chunga mite chuan inenkawlna ṭha leh damdawi duh ang an tlakchham avangin nu leh nau piang thihna hi a sang a ni. Kum tling loa nupui pasal nei te zingah a hluar bik a, nu nau pai laia inenkawl ṭha lote zingah a hluar hle bawk.

Assam-ah bik hian Hospital hlata awm te leh hnam hnuaihnung zingah nu leh nau piang thi a tam hle a, he mi ti reh tur hian inzirtirna nasa zawka neih a ṭul. Hospital ṭhenkhat chuan hmanrua leh thawktu an nei ṭha tawk lo nia tarlan a nih bakah doctor leh thawktu indaih lohna a nasa hle nia tarlan a ni bawk.

Ayush Ministry leh sorkar laipui chuan theih-tawpin hma a la mek reng a, state sorkar pawhin hma a la ve reng a ni.