Balu lak avangin Morakolohi luia nungchate dinhmun a derthawng

Barpeta district, Assam chhunga lui pakhat, Morakolohi-ah dan loa balu lâk a nasat em avangin he luia nungchate dinhmunin ṭhat lam a pan thei lo. He luia nungcha pawimawh tak pakhat Zawngdulinu (River Dolphin) chu a rem mai a hlauhawm hle a ni.

Morakolohi luia balu lâkin nungchate a nghawng thu hi Puthimari khuaa chengte chuan an sawi chhuak a, balu lâk avang hian lui nungchate an rem thu an sawi a ni. Nungchate dinhmun hi derthawng hle mah se, forest department lamin hmalakna an la nei lo thung. Sorkarin hmalakna mumal a neih loh avangin helai chhehvela chengte chu an lungawi lo hle a, balu la ru ṭhinte hian thamna an pek ṭhin avangin thuneitu lam hian an haider niin an sawi.

Zawngdulinu-te hi Wildlife Protection Act, 1972 danin a humhalh a, Schedule-1 hnuaia dah an ni. International Union for Conservation of Nature (IUCN) pawhin heng nungchate hi mang mai hlawhawm (endangered) huang chhungah dahin humhalh an ngai hle a ni.