ENPO-in emergency meeting a ko

Eastern Nagaland Public Peoples Organisation (ENPO) chuan vawiin hian Tuensang-ah emergency meeting a ko a, Frontier Nagaland an ngiat chungchanga an kal zel dan tur an sawiho dawn.

ENPO inhmuh khawm kohah hian thil hrang hrang sawiho tura chhawp chhuah niin, an thil ngiat a hlawhtlin theihna atana Nagaland khawchhak lama chengte'n inlungrual taka hma an lak zel dan tur an sawiho dawn a, hei hi an huam chhunga chengte hmasawnna kawnga en kân reng an nih ṭhin avanga an lungawi lohna leh rorelna hran an ngiat kawnga hmalakna pawimawh tak a ni dawn a ni.

Emergency meeting-ah hian mipui lam chuan public resolution an pu lut thei dawn a, Eastern Nagaland-in harsatna a tawh tihkian a nih theih nana rawtna ṭha zawk nei an awm chuan resolution hi ngaihtuahho a ni ang. Inhmuh khawmnaah hian Eastern Nagaland-a pawl hrang hrang aiawh an tel beisei a ni a, an thil ngiatte pawh sawihona zau taka an neih beisei a ni.