Prince William te Kaziranga-ah

Duke and Duchess of Cambridge, Prince William leh Kate Middleton te chuan Nilaini khan Assam an thleng a, sahuan lar tak Kaziranga National Park an tlawh.

Sahuana hun an hman chhung hian Prince te hian Samak ki pakhat nei, Sai, Sazuk leh ramsa dangte chu thla an lakpui a, hun hlimawm tak an hmang a ni. British royal couple te hian forest staff te an titipui bawk. Park Director M.K. Yadav chuan lo lawmin, hmun pawimawh te a fan kualpui a ni. Centre for Wildlife Rehabilitation and Conservation (CWRC) chu an tlawh nghal bawk.