Tripura-ah BJP office beih avangin mi paruk man an ni

Tripura-a BJP party pisa, East Rajnagar khuaa mi chu beih a ni a, he pawikhawihnaa mawhphurtu nia ngaih mi paruk chu man nghal an ni.

BJP party pisa beitute hi tute nge an nih hriat an ni mai lo a, Pathianni khan Champahour Police Station-ah thubuai ziah luh a ni. Party pisa beihnaa inhnamhnawih ni ngeia ngaih mi paruk chu man an ni tawh a, mahse, heng an mi mante hian thiam lohna an nei ngei em tih chu chhui chian a la ni leh ang.

BJP lam chuan an pisa beitute hi Tipra Motha mi leh sate ngei nia an hriat thu an sawi. BJP pisa hi suasam a nih mai bakah chair-te hal niin lehkha pawimawh hrang hrang, an campaing-na atana pawimawh tak tak pawh tihchhiat a nih thu party hruaitute chuan an sawi.