Ruihhlo do kawngah 2023 chhungin kan thawk ṭha hle : Assam CM

Assam chief minister Himanta Biswa Sarma chuan kum 2023 chu an state-in ruihhlo do kawnga an hmalak ṭhat ber kum a nih thu a sawi.

Chief Minister hian hemi chungchangah hian X lamah thuchhuah siamin, prime minister Narendra Modi kaihhruaina hnuaiah ruihhlo do chu ngaih pawimawh a nih thu te, India chu ruihhlo laka ram zalen ni tura ṭan an lak thute a tarlang.

Sarma hian nikum chhung khan Assam police-te chuan Rs. vbc. 718 hu ruihhlo an man thu leh, ruihhlo tawlhruk ching mi 4,700 chuang man an ni tih X-ah hian a tarlang bawk. CM chuan heng hlawhtlinna an neih avang hian kum 2023 chu Assam-in ruihhlo dona kawnga hma an lak ṭhat ber kum a nih thu a sawi zui a ni.