FMR hi kalpui zel ni se kan duh : Nagaland CM

Nagaland chief minister Neiphiu Rio chuan Nagaland assembly-a Governor Motion of Thanks sawihonaah, Free Movement Regime (FMR) chu Naga mipui tan a pawimawh thu a sawi.

Neiphiu Rio hian a kaihhruai sorkar chuan FMR chu kalpui zel ni se a duh thu sawiin, hemi chungchangah hian sorkar laipui nen an inbiak tawh thu a sawi bawk.

Nagaland CM hian sorkar laipuiin FMR tihtawp leh ramri hung a tum tih a sawi lan hnuah state chhungah duh lohna a nasa hle tih sawiin, sorkar laipui hnenah FMR chu titawp lo turin an duh thu pawh an thlen tawh tih a sawi. FMR titawp loin, sorkar laipui chuan ramri chhehvela chengte be râwnin inkaihhruaina mumal tak siam zawk se an duh tih a awi bawk.