Mumbai-in East Bengal hneh

East Bengal FC head coach Carles Cuadrat-a'n, "Final match 10 khelh tur kan la nei," tiin ISL-a an match hmabak sawi mah se, Thawhlehni zan khan Mumbai City lakah 1-0 in an tlawm a, Kolkata khawpuia inkhelah Iker Guarrotxena chuan Mumbai tan goal awmchhun a khung.

Durtlang tlangval Lalchungnunga chu East Bengal tana bul ṭan zingah a tel lo teh tlat a, mahse, minute 45-naah bench aṭanga luhtir a ni leh ta tho. Mumbai tan Lalengmawia Ralte (Apuia) leh Lallianzuala Chhangte ten dan pangngai angin inkhel bul an ṭan a, hun tawp dawnah Hmingthanmawia Ralte (Valpuia) chu a lut ve bawk.