Sikkim zirtirtute'n Kerala zirna kalphung zir chiang

Sikkim sorkar bultumin Sikkim zirtirtute chu Kerala zirna kalphung zir chiang tura tirh chhuah an ni.

Kerala-a tirh chhuah zirtirtu zinga 12 hi Sikkim State award lo dawng tawh niin a dang 27 te chu commendation award dawng tawhte an ni bawk. Zirtirtute hian school hrang hrang an tlawh kual bakah, Kerala zirtirtute nen inkawmna hun an nei dawn bawk.

Sikkim zirtirtute chuan Cotton Hill School an tlawh ṭumin Kerala General Education minister, V. Sivankutty nen inkawmhona an nei a ni. Kerala zirna kalphung chu ṭha an tih thu leh zirlaibu an buatsaih danah sakhaw zalennain zirna inah zung thuk tak a kaih nia an hmuh thu an sawi. Sikkim zirtirtute hi ni 11 cham tura zin niin, Tamil Nadu pawh an tlawh tel dawn a ni.