Assam chuan an state chhunga school zirlaibuah National Award dawngtu film, 'Village Rockstars' a dah tel. He film siamtu, Rima Das hi Assam mi a ni. 

'Village Rockstars' film chanchin hi Class VII English textbook-ah telh a ni, 'Dhunu's Guitar' chapter-ah chuan he film siam dan leh a thawnthute tarlan a ni. 

Nikum April thla khan middle school textbook thar tur hi SCERT team chuan an buatsaih a, anni hian Rima hi biain a film siam chanchin hi text book-ah dah turin an bia a ni. Das chuan lawmawm a tih thu sawiin, Assam naupangte chuan ngaihdan tharte an hmuhchhuah phah a, Assam aṭangin film siamtu ṭhalai zawkte an rawn chhuah a beisei thu a sawi. 

Das film siam, Village Rockstars hi Toronto International Film Festival-ah tihchhuah a ni tawh a, kumin kumtir lam kha a film siam dang, 'Bulbul Can Sing' tih nen Netflix chuan a lo tichhuak tawh bawk. 

Share this Post