Champions League last 16 khel tur Inter

Season hmasa Champions League finalist Inter Milan-in champion an la châk reng tih an pholang a, Nilaini zan khan Champions League match-ah FC Salzburg chu 1-0 a hnehin, round of 16 khel turin an inpetkai - Lautaro Martinez chuan penalty aṭangin inkhela goal awmchhun hi a khung.

Salzburg-in round of 16 luh beiseina nei turin chak an mamawh tih an hria a, mikhual Inter lakah chak ngei tumin an nawr na hle. Mahse, an inkhel rei tawlh tawlh a, squad chhah zawk danglamna a lang a, Inter an hmuhnawm tawlh tawlh.

Italian club vanneih zan ni se, Davide Frattesi leh Alessandro Bastoni hmanga goal khung thei an ni a, mahse, an vanneih zan a ni dawn lo angin a lang hman hial. Mahse, hun tawp nan minute nga chiah a awm tawh tihah Inter tan hun ṭha a her chhuak ta nge nge.

Serie A club hian penalty an hlawh chhuak a, a hma lawka bar pet pertu Lautaro Martinez chuan harsatna nei loin goal-ah a chantir. Austrian club tan 'comeback' turin hun a tam tawk tawh lo a, Inter an chak.

Kum 26 mi Martínez-a'n season duhawm bik a hmang mek. Argentine striker hian tun season inelna hrang hrangah match 15 khelin goal 14 a khung tling ta der a, assist vawi hnih a nei bawk - Inter tan tun season an chet ṭhat chhunzawm turin Martinez chet ṭhat zel a ṭul ang.

Inter awmna group D aṭang hian Inter bakah Real Sociedad an tlang bawk a, match hnih khelh tur la awm mah se, group D chu chinfel a ni ta der, tihna a ni.

Real Sociedad hian an mikhual Benfica chu 3-1 in an hneh a, mahse, hetihlai hian Inter an la khelh loh avangin an dinhmun a chiang lo - Inter an chak a, Sociedad pawh last 16 an lut tel ve nghal.

Sociedad hian Mikel Merino, Mikel Oyarzabal leh Ander Barrenetxea hmangin minute 21 chhungin goal thum an khung hman a, Benfica tan Rafa Silva chuan minute 49-naah khung ve mah se, a team a khai chhuak zo tawh chuang lo.