Manipur-a SSA leh RMSA zirtirtute'n nawrh huaihawt

Manipur-a Sarva Shiksha Abhiyan (SSA) leh Rashtriya Madhy­amik Shiksha Abhiyan (RMSA) hnuaia zirtirtute chuan Thawhṭanni aṭang khan tiam chin awm loin nawrh an huaihawt. 

Zirtirtute hian Joint SSA leh RMSA Tea­chers' Association Mani­pur (JSRTAM) hmingin nawrh hi an huaihawt a, state sorkar chu thla ruk chhung an hlawh a tihtan sakte pe tur leh, an thil phut dangte tihlawhtling turin an phut a ni. 

Education depatment hnuaia zonal office hrang hrangah sit-in protest neiin, regular teacher anga lak an nih avangin an dikna chanvo chu pe ngei tura an phut thu an sawi. JSRTAM thupuangtu Ngasam Shingajit chuan state sorkar chuan zirtirtute chu hun rei tak a bum tawh a ni tiin, a hmaa nawrh an huaihawt pawhin sorkar chuan an thil phut tihhlawhtlin a tiam ṭhin avangin sorkar chu ring tawkin nawrh pawh an tihtawp ṭhin tih a sawi. "Mumal taka kan hlawh min pe tur leh, service condition min siamṭhat sak turin kan phut a ni," a ti. 



Share this Post

Login to comment
No Comments