Assam chief minister Sarbananda Sonowal chuan Assam leilung fate leh an ramte humhalhna tur dan thar siam a ni thuai dawn tih Inrinni khan a sawi. 

All RAbha Students' Union (ARSU) leh All RAbha Women's Council biennial conference a hmanpuinaah CM chuan he thu hi sawiin, "BJP sorkar a awm chhung chan leilung fate chuan hlauhthawn tur an nei lo," a ti. Assam chu an ram leh an ta dik tak a ni tih sawiin, a ṭul a nih chuan heng an thil neihte venhimna tur hian dan siam a ni ang, tiin a sawi. 

Conference hmanpuitu, Assam finance minister Himanta Biswa Sarma chuan state chhunga Citizenship Amendment Act (CAA) leh BJP sorkar dodalna lantira nawrh huaihawt chu ram leilung fate inkara inbeihna a ni, a ti. Hei hi ṭha a ti lo tih sawiin, "Keimahni leh keimahni kan inbeih chuan midangin nuam an lo ti zawk a, hlawkna lo tel an tum a ni," a ti. Anti-CAA movement kalpuinaa hmala tu, AASU te chu a sawisel zui bawk.

Share this Post