Manipur video darh chungchang sawi fiah

Manipur-a tribal mipa pakhat thah tak video darh chungchangah, amah mantute'n thu an zawhnaah Davida Tuolor-a'n Kom hnam a nih thu a sawi nia ziah chu a dik tawk lo a, video darha a lan danin David hian Kom ho zinga khawsa a nih thu leh, Hmar a nih thu a sawi zawk a ni. Hmar pawl hruaitute'n Hmar hnam a nih thu a sawi avanga thah ni ta nia a lan thu an sawi.

July 2-a man tawk, David Toulour hi Churachandpur leh Bishnupur district inrinaa hal a nih lai video chu kar liam ta Inrinni khan social media lamah theh darh a ni a, he thil thleng kaihhnawihah hian Manipur police-te chuan man an la nei lo. David Toulor ruang hi an khua, Churandandpur district-a Chinglangmei khuaah hmuh a ni a, a lu tansak niin a lu hi mauah an tar a, a taksa erawh hal a ni thung.

David Toulor thah a nih chungchangah hian a pa, Lalkhumlien chuan August 1 khan National Humah Rights Commission (NHRC)-ah complaint a theh lut tawh a ni.