Sharmila-i'n chawnghei titawp tura ngennna pawm lo

Manipur-a sipai thuneihna sang pekna, Armed Forces (Special Powers) Act (AFSPA)1958 hlih phuta Novem--ber ni 4, kum 2000 aṭanga chhawnghei tawh, Irom Shar-mila chu Social Welfare Minister Akoijam Mirabai chuan a chawnghei titawp turin ngen mah se, Sharmila chuan AFSPA hlih a nih hma loh chuan a tawpsan loh tur thu a sawi.

International Women`s Day den chhenin Sharmila hi a awm mekna J.N. Institute of Medical Sciences Imphal-ah Mirabai leh Chief Minister Okram Ibobi nupui Okram Landho te chuan an tlawh a ni.

Sharmila-i chuan, chaw nghei titawp tura an ngenna hi chhangin, kum tam tak harsa taka a lo beih tawh titawp chu thil theih loh thu a sawi. AFSPA chungchanga hian Manipur state sorkar chuan a mit a tidel lui tlat a, hetihlai hian Tripura sorkar hian AFSPA hi duh hun huna hlih theih a nih zia a tichiang a ni, a ti.

Mirabai chuan AFSPA chu sorkar laipui thuneihna hmang chauha hlih theih a nih thu a sawiin, state sorkar pawhin sorkar laipuiah a nawr ve reng niin a sawi bawk.

AFSPA hlih a nih theih nan hian state anga ṭanrual a ṭul zawk thu a sawi a ni.