Vawiinah FIFA leh MFA

Vawiin tlai dar 5:00 hian FIFA mi pawimawhte chuan Tourist Lodge, Chaltlangah Mizoram Football Association hruaitute leh football lama MFA thawhpui hrang hrangte an kawm dawn.

FIFA aṭang rawn kalte hi Mike Pfister (FIFA Senior Development Ma-na-ger for Asia) leh Dr.Shaji Prabhakaran (South Asia FIFA Deve-lopment Officer) te an ni.

Mike hi FIFA hruaitu pawimawh a ni a, a pa Otto Pfister hi German coach larte zinga chhiar tel a ni. Otto hian FIFA U-17 World Cup-ah Ghana a champion pui a, 2006 World Cup-ah Togo a hruai thleng a, ram pali Tunisia, Egypt, Lebanon leh Sudan-ah te cup inelnaah nomawi a chawi a, hei bakah hian record duhawm tak a ngah hle.

South Asia FIFA De-velopment Officer Dr.Shaji Prabhakaran hian tun hnaiah FIFA project vangin Aizawl a rawn tlawh tawh a, ani hi MFA-in artificial turf an neih theihna tura mi pawimawh a ni.