AAPSU-in Arunachal mi ni lo fate An ST certificate thehluh turin hriattir

All Arunachal Pra­desh Students’ Union (AAPSU) chuan an nute Arunachal mi ni mah se, an pate hnamdang mi nite chu ni 30 chhung ngeia an Scheduled Tribe certificate  thehlut turin Thawhlehni khan an hriattir. 

AAPSU chuan hriattirna an tihchhuah hi an zawm lo anih chuan, pate Arunachal mi ni lo chunga tribal-te hamṭhatna dawngtute hming list chu mipui vantlang hmuh­ah puanzar an tum tih an sawi. 

Press conference an neihah hemi chungchang hi AAPSU president Hawa Bagang chuan sawiin, an pate Arunachal Pradesh Scheduled Tribe nilo, mahse tribal-te hamṭhatna dawn tur ang dawng list hi mi 80 chuang an chhinchhiah tih a sawi a ni. 

State sorkar pawh Arunachal Pradesh hmeichhiaten hnamdang, tribal ni lo pasal an neih hnuah pawh an fate tribal hamṭhatna pek chhunzawm an nih chungchang chu ngaihtuah turin an ngen. Hnamdang laka an fate hnenah APST status lo pe chhunzawm ṭhintu, officer-te pawh dik lo taka thil titu an nih avangin mawh phurtuah an ngai awn tih an tarlang. 



Share this Post

Login to comment
No Comments