IISF-ah NE Student's Conclave hmang

West Bengal khawpui Kolkata a IISF vawi 5-na neih mekah nimin khan hmarchhak zirlaite pualin, NE Student's Conclave an hmang.

IISF hi Kolkata hmun parukah hman niin, a hmanna hmun pui ber pakhat Biswa Bangla Conclave Centre-a Hall 3-ah hun an hmang, hmarchhak state hrang hrang aṭangin zirlai 160 an tel. Hmarchhak state-a media mite pawh an tel ṭha hle. BBCC ah hian hall eng emaw zat awmin, hall tinah hian programme hrang hrang hman reng a ni bawk.

NE Student's Conclave ah hian Manipur education minister Thokchom Radheshyam Singh leh DG NECTAR, Prof Arun Kumae Sarma-te chu khual zahawm niin thu an sawi. Anni bakah hian Science & Technology-a mi thiam tak takin training session an nei bawk. 

He hun hi session thumah ṭhen a ni a, session 1-ah hian khual zahawm leh mithiam sawmte hian hun an hmang a ni. Session 2 Leh 3-ah hian Presentations on 'Conservation of Biodiversity for Sustainable life in NE Region' tih thupuia neiin hun hman a ni bawk. 

Manipur education minister chuan zirlai kalkhawmte chu hlim taka awm turin a fuih a, khawvel mihring awm zawng zawngin an hriatthiam 'nui' tam turin a fuih bawk. Khawvel hmun ṭha zawka siamtu scientist-te zahna  hlan nghalin, naupang kalkhawmte chu hmarchhak hmalam huna mi pawimawh tak takte an nih thu a hrilh. 

Thokchom Radheshyam Singh chuan zirna in hmasa ber chu chhungkua a ni tih leh nu leh pate chu zirtirtu hmasa ber an nih bawk avangin an pawimawh hle tih a sawi a ni."Mihringte hian khawvel hi kan ta bik emaw tiin kan duh duh danin kan awm a, ramsa leh thlaite khawvel pawh a ni ve tho. Chumi a nih avang chuan sustainable development kan ngaihpawimawh a ngai a ni," a ti.



Share this Post

Login to comment
No Comments