Arunchal Pradesh chief minister Pema Khandu kaihhruaina hnuai­ah Thawhṭanni khan Cabi­net Committee for Infra­structure (CCI) chu Itana­gar-ah a vawi hnihna atan an ṭhukhawm leh a, Arunachal Pradesh-a infrastructure lam tihhma­sawnna tura cheng vai­belchhe 25,000 rawtna siam chu an pawm. 

State khawpui, Itanagar leh district headquarters hrang hranga kawngpui thuam ṭhatna leh, ADC/SDO headquarters te kalpawhna kawngpuite chei ṭhatna turin kum thum chhung atan cheng vaibelchhe 1,000 dah a ni. Itanagar-Jote road chu state highway-a tihchangtlun tum a ni bawk. 

CCI chuan horticulture project tana sum ruahman  cheng vaibelchhe 30 chu cheng vaibelchhe 60-ah a tipung. Committee chuan Namsai, Pasighat leh Bhalukpong-a cold processing unit hluihlawn tawh pawh dinthar leh vek a tum bawk. 

Itanagar leh Naharlagun inkara electric bus 10 tlan tir rawtna chu pawm a nia, NTPC nena thawkdunin bus hi tlan tir an ni ang. Bus tlan tir zat pawh hi tihpun chhoh zel tum a ni bawk. CCI chuan capital complex-a DSP Traffic Cell thar din rawtna a pawm bawk a ni. 

District headquarters tharah district secretariat complex din rawtna chu pawm a ni a, khawpui tinah LED street light dah pawm a ni bawk. 

CCI chuan district head­quarters-a power infra­structure leh water supply project kalpuina turin cheng vaibelchhe 75 dah a remti a, Daporijo, Raga leh Tali-a lei chhia siamṭhat a ni dawn bawk. Hei bakah hian Banderdewa leh Tippi-a mega food park-te pawh tuaithar leh an ni ang. 

Share this Post