Australia-ah raltlante tan kawngzawh

Australia sorkarin an rama raltlan lutte thawnchhuah a tum duh lohna lantirin Thawhṭanni khan ramchhung hmun hrang hrangah mipuiten kawng an zawh.

Mipui kawngzawhte chuan Prime Minister Malcolm Turbull chu raltlan 267 thawnchhuah an tumte an rama awm chhunzawm tir turin an ngensak.

Australia High Court chuan an rama awm dil, mi 267 te dilna chu hnawlin thawnchhuah a tum. An zingah hian nausen 37, Australia rama piangte pawh an tel a ni.

Human Rights Law Center-a Legal Advocacy director Daniel Webb chuan court thutlukna chu lawmawm lo hle mah se, mipuiten raltlante thlavang an hauhsak dan chu lawmawm a tih thu a sawi. "Doctor, kohhran leh UN chuan PM Turnbull-a hnenah mi 267 hi awm chhunzawm tir turin an ngen a, state leh territory hruaitute pawhin PM hi an ngen zui ve leh a ni" a ti.