NEEPCO laka lungawi lohna AP-ah lantir

Arunachal Pradesh-a Aka (Hrusso) Elite Society (AHES) chuan North Eastern Electric Power Corporation Ltd (NEEPCO Ltd) Bichum Circle-in company project-in a nghawng mipuite thil phut an ngaihsak loh avangin, nimin aṭang khan NEEPCO laka lungawi lohna an lantir. October 23 thleng nawrh hi chhunzawm an tum. 

AHES thupuangtu Sheriff Nimasow chuan thuchhuah siamin, kum 17 liam ta khan NEEPCO chuan an project thawhna hnuaia awm, kawngpuite siamṭhat vek an lo tiam tawh a, mahse tun thlengin an thutiam hi an la tipuitling lo tih a sawi. 

"Project-in a nghawng mipuite hian kawngpui siamṭha tur leh, hna siamsak turin an ngen a, mahse an thil phut hian ngaihsak a hlawh lo a ni," tiin Nimasow chuan a sawi. Hei bakah hian zángnadawmna pek turte pawh tun thlengin an la dawng lo tih a sawi bawk. 



Share this Post

Login to comment
No Comments