CNA in inremna kawngzawnnaa tel duh

Council of Naga Affairs (CNA) chuan tunhnaia inrem-na kawng zawngtu, Naga Hoho (NH) leh Eastern Naga People’s Organization (ENPO) ten Myanmar lama NSCN (K) hotute an hmuh chung-changah Naga-te inremna leh buaina chinfelna thil reng reng mumal taka kalpui anih theih nan CNA hrilhriat ni ve ṭhin se an duh tih an sawi.

Inremna kawngzawn a ni chu lawmawm an tih thu sawiin, Naga ram chhaklama remna kawngzawna hrilhhriat an ni lo chu vanduaithlak an tih thu an sawi.

Myanmar rama Naga-te chungchang ngaihtuah hi mimal emaw pawl ṭhen-khat tan chauh a ni lo a, Myanmar ram chhunga Naga buaina chingfel tur chuan aiawh dik takte kaltlanga neih nise an duh tih an sawi. Myanmar-ah chuan CNA leh Naga Tradition and Culture Committee (Yoya) chauh biak tlak an awm niin an tarlang. CNA te hi kum 2014 khan Myanmar ram chhunga Naga hnam kalkhawmten Naga hnam hmasawnna leh ṭhatna tura an din a ni.

CNA te hian Myanmar rama Naga-te hamṭhat nan an thawk nasa hle niin an inchhal a, NH leh ENPO ten NSN-K palai Myanmar mi Kyaw Win Swe an hmu chu mak an tih thu an sawi tel bawk. Hetianga Naga in inrelbawlna hran an neih theihna tur kawng zawn dan a felhlel fo a nih chuan buaithlak a tam a hlauhawm niin an sawi.