Nagaland-ah nupa thah vangin boruak a sosâng

Nagaland-a Kiphire district-ah Pathianni khan bike-a chuang pahnihin car-a chuang nupa an kaphlum a, helai bialah hian boruak a sang hle. Kiphire district-ah hian CrPC section 144, mi panga aia tam punkhawm phallohna chu hman nghal a ni.

Police-te chuan car khalhtu hi sikul zirtirtu niin a nupui nurse nen thingtlang kawnga an tlan laiin kahhlum an ni. Mipa zawk hi Sangtam hnam niin a nupui hi Tikhir hnam a ni thung. Heng hnam pahnihte hi hun rei tak aṭang tawh khan ram inchuh vanga inngeihlo an ni.

Heng nupa thah takte hi Kiphire khuaa hnathawka awm mek an ni. Shamator khuaa an chhungkhatte tlawh tura an kal chu misualte hian an lo kaphlum ta mai niin police te chuan an sawi.

Anmahni kaphlumtute hi Yimchunger hnam niin police te chuan an sawi a, heng hnamte hi Sangtam, Tikhir leh Chang hnam nen ram inchuh vanga innghirngho reng an ni.