Assam sorkarin DC leh SP hriattirna pe

Assam sorkar chuan Deputy Commissioner (DC) leh Superintendents of Police (SP) te chu lung ina khung mekte chanchin ziahna "conduct report" thehlut turin a hriattir, hei hi lung in tangte a hun taka chhuah an nih theih nan a ni.

Assam Home Depart-ment chuan Jail superintendent zawng zawng hnenah pawh hetiang thupek hi a tichhuak a, a rang thei ang bera lung in tang mekte chanchin, a hrang ṭheuha ziaka thehlut turin a hriattir bawk.

Lung in tang 200 vel, kum 14 chuang zet khung tawhte chu kumin chhungin a tahtawla chhuah beisei an ni. Guwahati, Dibrugarh, Golaghat leh Jorhat lung in te hian kum 14 tang tling tawh hi an kawl nual a ni.

Lung in tang te chhuah an nih theih dan zawnna kawngah hian lung ina khungtu judge te ngaihdan pawh zawh a ni tawh. Supreme Court chuan state sorkar hnenah dam chhung lung in tang tura rel te chu chhuah an nih theih dan zawng turin tunhnai khan thupek a chhuah a ni.

Lung in tangte chhuah an nih theih nana phalna lak ngai ang chi ho te chu kumin July thla hian neih fel hman tum a ni. Phalna nei tur chuan thla ruk chhungin vawi khat chiah a dil theih a, January thla khan an bawhpelh vangin July thlaah thuneitute hnena dilna hi thawn hman ngei an tum.

SP ṭhenkhat chuan 'conduct report' hi an thehlut tawh a, DC tam zawkin an la thehlut lo thung. Guwahati-a Prisons Headquarters pawhin district hrang hrang aṭangin report an dawng tawh a,a dang nghah mek an la awm.