AP Governor-in union minister hmu

Arunachal Pradesh gover­nor Brig (retd) BD Mishra chuan union minister Jitendra Singh hmuin, state mamawh hrang hrangte a sawipui a, a bikin all India service officer cadre hran siamsak an duh chungchang pawh a sawi lang. 

New Delhi-a meeting an neihah hian governor chuan union minister hnenah hian sorkar ngenna lo siam tawhte chu ngaihtuah sak turin a ngen. A bikin chief minister Pema Khandu-a'n Arunachal tana IAS cadre hran siam a ngenna chungchang pawh a sawichhuak leh bawk. Arunachal hi AGMUT cadre-ah a tel mek a, hei hi union territory-te leh Arunchal Pradesh, Mizoram leh Goa-ten an inṭawm a ni. 

DoNER minister Singh chuan governor hnenah hian Arunachal sorkar ngenna chu lo ensak turin Department of Personnel and Training (DoPT)  a hriattir tawh thu a lo hrilh.  Minister chuan union territory-te chu home ministry hnuaia awm an nih avangin, home ministry lam pawh sawipui an ngai dawn tih a sawi. Hemi rual hian hemi chungchang hi DoPT chuan home ministry sawipuiin, an ngaihdante hriat an tum dawn a ni, a ti. 



Share this Post

Login to comment
No Comments