Assam-a water supply pipeline puak vanga tuilianin Kopili hydropower project a chim hnuah, nimin thleng khan power plant-a official palite chanchin hriat a la ni lo. 

Thawhṭanni zing khan water pipeline puak vang hian Dima Hasao district-a Umrangsho-a Kopili hydropower plant chu tuiin nasa takin a chim a ni. Assam State Disaster Management Authority hnuaia District Project Officer, Riki Phukan chuan chhiatna thlenna hmunah hian National Disaster Response Force (NDRF) team chu tirh nghal an ni tih a sawi. Mahse tui chim chin hi a san em avangin chhanchhuah hna hi an thawk nghal thei lo a, tui paih phai phawt a ngai a ni. 

NEEPCO hotute pawhin tui paih phawt hi an tum tih an sawi. Tuiin power plant a chim lai hian station-ah hian official pali leh staff pathum an awm a ni. 

Share this Post