Manipur chief minister N Biren Singh chuan sakhaw ropui ber chu mi rethei, harsa leh ṭanpui ngaite puih hi a ni, a ti. 

He thu hi Thawhlehnia Imphal East district-a Yaibilen 36th Anniversary lawmna a hmanpuinaah a sawi. 

CM chuan mi rethei leh harsa zawkte chawikan an nih chuan, khawtlangin hma a sawn nghal dawn a ni tiin a sawi. A kaihhruai sorkarin a tum ber chu state chhung mipuite chawikan a ni tih sawiin, mipuite dinhmun siamṭhatna turin scheme hrang hrang pawh an siam thu a sawi. An hnathawh avang hian mipuite malsawmna pawh an dawng nasa hle tih a sawi bawk. 

Economy ṭha leh hrisel a awm chuan, remna leh muanna pawh a awm dawn a ni tiin, Biren chuan kum hnih leh a chanve an sorkar tawh chhungin mipuite puihnain state chhungah boruak muanawm tak a awm theih thu a sawi. Manipur mipuite chu thiam thil ṭha tak tak nei an ni a, hmathlir leh ngaihdan ṭha tak tak an neihte chu ram pawn lam el pha a ni tih a sawi.

Share this Post