Kelce-a'n Taylor Swift an buaipui mah mahah ngai

Taylor Swift nena sawi zawm mek, National Football League (NFL) player, Travis Kelce chuan an team, Kansas City Chief inkhel entu, pop superstar Taylor Swift chu NFL chuan an buaipui mah mah nia a ngaih thu a sawi.

Kansas City Chiefs tight end, kum 34 mi Kelce hian Nilainia a podcast-ah hemi chungchang hi sawi chhuakin, NFL chuan an inkhel entu, Taylor Swift chu video lamahte an tilang nasa lutuk a, ama tan pawh a nuam lo thei dawn nia sawiin, TV-a lan reng chu an duh bik lo ang, a ti. Mahse a u, Jason Kelce chuan celebrity zingah NFL game en an tam ngai loh avangin an lo phur deuh nia a ngaih thu a sawi a, NBA angin a 'deal' dan an la thiam ve mai ang, a lo ti ve thung. Hemi rual hian Taylor Swift kal avanga viewership pun chhoh nasatna chu hai theih a ni lo a, inkhel an lo en ve chu lawmawm a tih thu a sawi bawk.