AP MLA Tirong Aboh thah thubuaiah NSCN-IM hel man

National Investigation Agency (NIA) chuan kumin May thlaa Arunachal Pradesh-a National People's Party (NPP) MLA Tirong Aboh thah thubuaiah Naga helpawl, National Socialist Council of Nagaland-Isak-Muivah (NSCN-IM) senior member, Ellie Ketok leh midang 10 an man tih Thawhṭanni khan an sawi. 

NIA hian Military Intelligence (MI) unit nena beihpui an thlaknaah, Ellie Ketok hi Dimapur, Nagaland-ah an man tih an sawi a ni. 

Ketok hi NSCN-IM ah hian self-styled Sergeant Major a ni a, Tirap area-a area commander a ni bawk. Kumin May 21-a Tirong Aboh leh midangte bei a, kaphlumtu team zingah khan a tel nia sawi a ni. 

Tirong Aboh thah thubuai hi June thla khan NIA kutah AP sorkar chuan a hlan a ni. NIA kuta hlan a nih hma hian rinhlelh thilah mi panga - Sethok Kangnong, Napong Jenpi, Jai Kishan Sharma, Luckin Mashangva leh Yange Josaham-te chu man an lo ni tawh bawk. 

NPP  hruaitu Tirong Aboh hi West Khonsa Assembly seat by-election ah chuhin, May 21 chawhma dar 11.30 vel khan Tirap district-a Bogapani khaw bulah kahhlum a ni. 



Share this Post

Login to comment
No Comments